LARA sive LARANDA

LARA, sive LaRANDA

una Naiadum, Almonis fluv. filia, ex qua Mercurius Lares dicitur genuisse; Ferunt enim Iovem, cum Iuturnam Turni sororem adamaret, neque illa potiri posst, quod protinus illa in fluv. insiliens sui copiam illi eriperet; Latii totius nymphas convocâsse, et ab iis petiisse, ut Iuturnae ad Tiberis ripam obstarent, ne eo in fluv. sese posset occultare. Qua in re cum ceterae nymphae Iovi operam suam essent pollicitae, Lara illius consilium primum Iuturnae, deinde et Iunoni enuntiavit. Quam rem tam aegre tulit Iuppiter, ut usu linguae eam privârit, Mercucurioque statim tradiderit, ad inferos ducendam. Verum Mercurius cum iussa patris exsequitur, Larae formâ captus in itinere eam compressit, gemellosque legitimo tempore ex ea suscepit, quos ex nomine matris Lares, sacrificiis festisque a Gentilibus cultos, appellavit. Iuv. Sat. . l. 1. v. 3. Sat. 8. l. 3. v. 14. Ovid. Fast. l. 2. v. 597. et 615.

Fitque gravis, geminosque parit qui compita servant,

Et vigilant nostra semper in oede Lares.

Aliiautem Lares Privati, alii Publici erant, qui et Compitales Plin. l. 36. c. 27. et Viales appellati, quod compitis, viisque publicis, quas Graeci Λαύρας vocant, praeessent: Iuv. l. 4. Sat. 12. v. 89. Pers. Sat. 4. v. 28. Plaut. Merc. Act. 5. Sc. 2. v. 24. Item Urbani, quod urbem custodirent et Hostilii, quod hostem arcerent. Privati, qui suum cuiusque focum ac domum servare credebantur. Proestites iidem appellati sunt, Ut Ovid. auctor est, quem vide Fast. l. 5. v. 129. et 734. etc.

Quod praestant oculis omnia tuta suis.

Cur canis illis additus, ibidem etiam habes. Lares non nullos malos, nocentesque Genios dixisse Plutarch. auctor est Qu. Rom. His porci in sacrificiis immolabantur. Horat. Carm. l. 3. Ode. 23. v. 3.

Si ture placaris et hornâ

Fruge Lares, avidaque porcâ.

Idem Serm. l. 2. Sat. 3. v. 164.

—— Immolet oequis

Hic porcum Laribus. ——

Tibull. l. 1. Eleg. 11. v. 15. 25. et 26.

Hostiaque e plena rustica porcus hara.

Prop. l. 4. Eleg. 1. v. 23.

Parva saginati lustrabant compita porci.

Et in Menoechmis Act. 2. Sc. 2. v. 16. Plauti, porci Lares piare dicuntur insanos. Coronari porro solebant Lares, habebantque Romae templum, sacellum et delubrum, in 8. urbis reg. Item lucum et sacellum in Velia reg. 10. Primus autem iis aedem vovit et exstruxit T. Tatius Sabinorum Rex sicut Laribus Permarinis in Campo Martio aedem vovit, bello contra Antiochum. Macrob. Sat. l. 1. c. 7. et 10. Lucan. Civ. Bell. l. 1. v. 506. L. Aemillius Regillus: et Laribus Proestitibus aram Curius dicavit. Ovid. Fast. l. 5. Sed et Aegpptios habuisse suos Lares, docet Macrob. Sat. l. 1. c. 19. Principium cultûs illorum inde profluxit, quod Demortui olim domi sepelirentur, unde credula plebs animas Defunctorum cultu quodam domestico primum, acdein publico, tamquamk auxiliaturos Deos, venerari coepit, Tertull. de Resurr. carnis. Antiqui marmoris fragmentum,

Perpetuas sine fine domos mors incolit atra,

Aeternosque levis possidet umbra Lares.

Vide N. Com. l. 4. Myth. c. 4. de Laribus. Nic. Lloyd. Adde dicenda in Lares.